ඔබ කුරුළු කුමාරියක්...

ඔබ කිරිල්ලියක්..., පමණක් නොව
කුරුළු කුමාරියක්...
තේජසින් ගගනේ සරනා
උස අත්තක සුවසේ හිද
මුදු පවනේ සුව විදිනා...

මමත් කුරුල්ලෙක්...,
සැඩ සුළගට තටු සිදගත්
ඉගිලෙන්නට වාරු සොයනා
පහලම අත්තක වසමින්
ඔබ දෙස හොරැහින් බලනා...

 

  මේ ඇති නැති අතු පතරේ...
  අපේ පුංචි කුරුළු හීන,
  සමාජයේ සැඩ පහරින්
  සදාකල් වෙන් කරවයි..
  ඔබට ඒවා හිස් අදහස්
  කුමාරියක් නිසාම ඔබ..

 

මොන විදිහට පැහැදුවත්..
මට නොහැකියි ඉහල එන්න
ඔබේ ලගින් පියාබන්න...
හීන ලෝකේ හැමදාමත්
ඔබ ඇත මට තනි රකින්න

මං දන්නවා ඔබ හදන්නේ...
මගේ අත්තට බැහැල එන්න
අනේ එපා හැබැහින් නම්
ඔය හීනෙම නතර වෙන්න..
මට ආදර සුව ගෙනෙන්න....!!

~ Mahesh4ever