නොපෙනේද අම්මේ ඔබහට.....

සවනට වැටෙනා ගිගුරුම
අදුරු වළා පටල ඉරාගෙන
නෙතට වැටෙනා පිනි බිදුව
නොපෙනේද අම්මේ ඔබහට...

සුළන් රැල්ලේ පා කර
ඈතක ගෙන ගිය උණුසුම
සොයා යන්නද මා
සෙල්ලම් ගෙය අතහැර...

නැළවිලි මතකයි තව මට
කිරි සුවද ඇත තවම මුව අග
සිනිදු සේදයේ පහසට
ආසයි අම්මේ තවමම...

අදුරේ තනිව තරු ගණිනා මා හට
නොපෙනෙන්නේ ඇයි සද සාවියේ...ඔබ
ඉසව්වක් නිමක්, නොතේරේ මා හට
සොයා එනු මැන මා හද
පාර කියාවී දේදුන්න ඔබ හට.....

[ මගේ ඉස්කෝලේ හිටපු හොදම සැගවුණු කලාකාමී හිතක් තිබ්බ යාලුවෙක්ගේ නිර්මාණයක් තමයි මේක.....මට හිතෙන විදිහට පුංචි පුතෙක් තමන්ගේ අම්මට,පවුලට බැදිලා ඉන්න ආකාරය ගැන හැදුනු ලස්සන හින්දි ෆිල්ම් එකක් වෙන " Taare Zameen Par " බලල අපේ යාළුවගේ හිතට නැගුනු අදහසක් තමයි මේක...බලල නැති අය ඉන්නවා නම් අදම ඒ ෆිල්ම් එක බලන්න....මැරෙනකල් අපිට විතරක්ම ආදරේ කරන අපේ අම්මලා අපිට කොයි තරම් නම් වටිනවද? ඒ වගේම කොච්චර නම් අසරණ ළමයිනුත් මේ ලෝකේ ඉන්නවද? ]

   Taare Zameen Par සින්දු බලන්න : තේමා ගීතය

                                              මා [ අම්මා ]

 ඇසි පියක දැවටුවෙ....: තනුර විජේසිරිවර්ධන සොහොයුරා